Профилактикалық фильм көрсетілімі өтті

Профилактикалық фильм көрсетілімі өтті ҚР министрлігінің тапсырмасы аясында 9-10-сынып оқушыларына денсаулыққа зиян келтіретін есірткі заттары, темекі және алкогольдік өнімдердің зияны туралы профилактикалық фильм көрсетілді. Фильмде кәмелетке толмағандар колониясының тұтқыны Дамирдің өмір жолы баяндалып, оның қателіктері мен таңдауының салдары ашық көрсетілді. Жасөспірімдерге зиянды әдеттердің адам өміріне, денсаулығына, болашағына қалай әсер ететіні нақты мысалдар арқылы түсіндірілді.  Мақсаты: – Оқушыларға есірткі, темекі және алкогольдің зиянын түсіндіру; – Құқық бұзушылықтың алдын алу; – Салауатты өмір салтын насихаттау; – Жауапты шешім қабылдауға тәрбиелеу. Көрсетілімнен кейін оқушылармен пікір алмасу ұйымдастырылып, зиянды әдеттердің салдары мен заң алдындағы жауапкершілік туралы түсіндірме жұмыстары жүргізілді.