«Балалардың қауіпсіздігін қамтамасыз ету бойынша ата-ана жауапкершілігін күшейту»

2025 жылғы 10 сәуір күні  №184 ЖББМ- те  мектеп инспекторы  А.Мухидин , полиция лейтенанты Н.Кускеев «Балалардың қауіпсіздігін қамтамасыз ету бойынша ата-ана жауапкершілігін күшейту» тақырыбында ата-аналар жиналысын  өткізді. Жиналыстың мақсаты: ата-аналарды балалардың қауіпсіздігін сақтау бағытында қабылданған шаралармен таныстыру, құқықтық жауапкершілік туралы кеңінен ақпарат беру және алдын алу жұмыстарын күшейту. Мектеп инспекторы А.Мухидин мен полиция лейтенанты   Н.Кускеева  балалардың мектепте, көшеде және интернет кеңістігінде қауіпсіз болуын қамтамасыз етудегі ата-ананың рөліне   ерекше назар аударды. Ата-аналарға ҚР заңнамасындағы ата-аналардың міндеттері мен жауапкершілігі туралы түсіндірме жұмыстарын жүргізді. Сонымен қатар, балалар арасында құқықбұзушылықтың алдын алу, кибербуллинг және әлеуметтік желілердегі қауіптер туралы ақпарат беріліп, ата-аналар тарапынан қойылған сұрақтарға жауап берілді.